قصيدً ما يمثل شاعره فالموقف الغصاب=خساره لو يقال سليّم سليمان غنابه
اذا مارفرفت راياتها في عالي المرقاب=عسى صدري عليها ينقفل ويسكّر ابوابه
بعد عيد اليهود وعودة المهدي من السرداب=لنا ذا اليوم تاسع يوم ماقلنا ولا جابه
نشوف الداب مدري ليش ما كنّا نشوف الداب=ولا كنا نشوف السم من شدقه ليا نابه
زمانً فيه راع الصدق راح ضحية الكذاب=حفيد مسيلمه ذعذع هواه ودار دولابه
بعد ماراح عصر التفرقه والبغض والأحزاب=وبدا عصرً جديد ولا بقى للدم شرابه
حذفنا السيف والبندق جميع ومعهن المشعاب=ضحى صقر الجزيره فالرياض ينوّخ ركابه
طفت نار القشر ماعاد ينفخ جمرها الشبّاب=ورحل وقتً حياة الفرد خوف ورزقه نهابه
لقينا الخير في صوت الآذن وروضة المحراب=وعرفنا العز من نبذ الجهل والكره واسبابه
وكبر طفل المهاد وعاش عمر وماتو الشيّاب=قضى جيل وبدا جيل ومساره نفس شيّابه
يسد عن الظليمه باب وعن العنصريه باب=على نهج الكريم وماومر في محكم كتابه
قبايل للعوايد والسلوم وطيّب الآداب=نميل وننتمي والطيب فينا ورث وكسابه
كذا بالمختصر تجري السفينه فوقها الركاب=كذا والعز بيت ومن بناه يثبت اطنابه
جميع اللي سبق مانيب قايل فص ملح وذاب=ابا اقول الله انه يهلك المذنوب واذنابه
الا يا اهل الكويت بكل اسف وبحزن واستغراب=حثالة كرد كردستان من كركوك من جابه
وجود الفاجر الوقح اللئيم السافل النصاب=على ارض بلادكم يأهل الكويت يلوث ترابه
الا يامجلس الأمه ورى ماقلت للنواب=ترا للفعل ردة فعل قبل تعوّد حرابه
تفوح صدورنا من غيضها ونهّدي الأعصاب=ونفذ صبر الحليم من الكلام وثارت اعصابه
ترانا لو بغينا نلحق المشهاب بالمشهاب=تبا تبداء شرارة نارها من منبر خطابه
وترانا لو نبي نطلب عن اللي كان كشف حساب=يبي يرضى بعد كشف الحساب وياخذ حسابه
كلامي مابنيته زور واللي عنده استيعاب=يروح يفتّش التاريخ ويعلّم به اصحابه
لنا في صفحته سيره ومجدً يطلق الاشناب=وشهاده مايغط انوارها من يفتل اشنابه
مطير ومجدنا بالفعل عز وعز بالأنساب=ولايمكن تهز مطير كلمة هيس وزلابه
الى منا بطشنا بطشنا فالروس والآرقاب=لك الله كم حذفنا راس واعذر فيه طلّابه
عيونه حقها شوكة كداد وحق فمه تراب=وحصاده من حياته هم لين يضيق بثيابه